8th Pay Commission: केंद्रीय सरकारी कर्मचारी आणि पेन्शनधारकांमध्ये सध्या आठव्या वेतन आयोगाबाबत बरीच चर्चा सुरू आहे. लाखो कर्मचारी आणि निवृत्त कर्मचाऱ्यांना वेतनवाढ आणि एरियरबाबत मोठी अपेक्षा आहे. आठवा वेतन आयोग १ जानेवारी २०२६ पासून लागू मानला जात असून, वेतनवाढीबाबत अंतिम निर्णय २०२६ च्या अखेरीस किंवा २०२७ पर्यंत होण्याची शक्यता आहे.
समिती सध्या सूचना घेत आहे
निवृत्त न्यायमूर्ती रंजना प्रकाश देसाई यांच्या अध्यक्षतेखाली आठव्या वेतन आयोगाची समिती स्थापन करण्यात आली आहे. ही समिती सध्या कर्मचारी संघटना आणि इतर संबंधितांकडून सूचना आणि शिफारशी घेत आहे. या शिफारशींनंतरच वेतनवाढ आणि पेन्शन वाढ किती होणार हे निश्चित होईल.
२० महिन्यांचा एरियर मिळण्याची शक्यता
जर वेतन आयोग १ जानेवारी २०२६ पासून लागू मानला गेला, पण प्रत्यक्ष वेतनवाढ देण्यास उशीर झाला, तर कर्मचाऱ्यांना १८ ते २४ महिन्यांचा एरियर मिळू शकतो. अहवालानुसार, केंद्रीय कर्मचाऱ्यांना सुमारे ३.६ लाख ते १५ लाख रुपये इतका एरियर मिळण्याची शक्यता आहे. ही रक्कम कर्मचाऱ्यांच्या बेसिक पगारावर अवलंबून असेल.
फिटमेंट फॅक्टरवर वेतनवाढ अवलंबून
फिटमेंट फॅक्टर हा वेतन आयोगातील सर्वात महत्त्वाचा घटक मानला जातो. याच आधारे बेसिक पगार वाढवला जातो. ७ व्या वेतन आयोगात फिटमेंट फॅक्टर २.५७ होता. ८ व्या वेतन आयोगासाठी कर्मचारी संघटना ३.० ते ४.३५ फिटमेंट फॅक्टरची मागणी करत आहेत. महागाई आणि वाढलेला जीवनावश्यक खर्च लक्षात घेता हा फॅक्टर वाढवण्याची मागणी करण्यात येत आहे.
फिटमेंट फॅक्टर जास्त असल्यास बेसिक सॅलरी, पेन्शन आणि एकूण उत्पन्नात मोठी वाढ होऊ शकते.
कोणत्या कर्मचाऱ्यांना जास्त फायदा?
कमी आणि मध्यम वेतन गटातील कर्मचाऱ्यांना सर्वाधिक फायदा होण्याची शक्यता आहे.
लेव्हल १ कर्मचारी सध्याचा बेसिक पगार १८,००० रुपये
→ वाढून अंदाजे ३६,००० ते ४६,२६० रुपये
लेव्हल ६ कर्मचारी सध्याचा बेसिक पगार ३५,४०० रुपये
→ वाढून अंदाजे ७०,८०० ते ९०,९७८ रुपये
लेव्हल ८ कर्मचारी सध्याचा बेसिक पगार ४७,६०० रुपये
→ वाढून १.२ लाख रुपयांपेक्षा जास्त होण्याची शक्यता
एकूण मासिक पगारात अंदाजे १८,००० ते ७४,००० रुपयांपर्यंत वाढ होऊ शकते.
मोठा आर्थिक फायदा होणार
आठव्या वेतन आयोगातील सर्वात मोठा आर्थिक फायदा म्हणजे एरियर रक्कम असेल. कर्मचाऱ्यांना एकरकमी मोठी रक्कम मिळण्याची शक्यता असल्याने केंद्रीय कर्मचाऱ्यांमध्ये उत्सुकता वाढली आहे.