Leopard Viral Video Today: सोशल मीडियावर हल्ली प्राण्यांचे विविध व्हायरल व्हिडीओ चर्चेत येत असतात, ज्यात जंगलातील कधीही न पाहिलेले प्राण्यांचे थरारक व्हिडीओ आपल्याला पाहायला मिळतात. ज्यामध्ये वाघ, सिंह, बिबट्या यांसारखे प्राणीव एखाद्या प्राण्याची शिकार करताना दिसतात. पण, हल्ली जंगलांची संख्या कमी झाल्यामुळे जंगलातील प्राणी मानवी वस्तीतही शिरकाव करतात. या व्हिडीओत अशीच एक घटना पाहायला मिळत आहे.
प्राणी असो किंवा माणूस दोघांची आयुष्य जगण्याची पद्धत जरी वेगळी असली तरीही या दोन्ही सजीवांमध्ये पोट भरणे ही एक गोष्ट खूप महत्त्वाची आहे. यासाठी ते आपआपल्या परीने प्रयत्न करताना दिसतात. आजवर तुम्ही अनेक व्हिडीओ पाहिले असतील, ज्यामध्ये हिंस्र प्राणी इतर प्राण्यांची शिकार करताना दिसले असतील. आता व्हायरल होत असलेल्या व्हिडीओतही अशीच एक घटना मानवी वस्तीमध्ये घडल्याचे दिसत आहे.
व्हायरल व्हिडिओ पाहण्यासाठी येथे क्लिक करा
वाघ, सिंह, बिबट्या यांसारखे हिंस्र प्राणी अनेकदा मानवी वस्तीमध्ये शिरकाव करून येथील माणसांवर किंवा श्वान, शेळी अशा प्राण्यांवर हल्ला करतात. ही शिकार करण्यासाठी ते रात्रीची वेळ निवडतात. परंतु आता व्हायरल होत असेलेल्या व्हिडीओत एक बिबट्या भरदिवसा घराबाहेर येऊन श्वानाची शिकार करताना दिसतोय. या व्हिडीओत तुम्ही पाहू शकता, एका घराबाहेरील पाळीव श्वानावर बिबट्या हल्ला करतो, बिबट्या घराबाहेर आल्याने घरातील मंडळी दरवाजा लावून घेतात आणि खिडकीतून व्हिडीओ काढत बिबट्याला पळवून लावण्यासाठी मोठमोठ्याने ओरडतात. यावेळी घरातील लोकांचा आवाज ऐकून बिबट्या घराजवळ येतो आणि पुन्हा श्वानाजवळ जातो.
पाहा व्हिडीओ:
हा व्हिडीओ इन्स्टाग्रामवरील @explorer_siddharth या अकाउंटवर शेअर करण्यात आला असून याला आतापर्यंत जवळपास लाखो व्ह्यूज मिळाल्या आणि लाइक्स मिळाल्या आहेत. शिवाय यावर अनेक युजर्स कमेंट्स करताना दिसत आहेत. एका युजरने लिहिलंय की, “बापरे खूपच भयानक दृश्य”, तर आणखी एकाने लिहिलंय की, “आज बिबट्याचं पोट भरलं”, तर आणखी एकाने लिहिलंय की, “थरारक व्हिडीओ”, तर आणखी एका व्यक्तीने लिहिलंय की, “खूपच वाईट घटना.”
