SBI FD Schemes : सुरक्षित गुंतवणूक आणि हमखास परतावा शोधणाऱ्या गुंतवणूकदारांसाठी देशातील सर्वात मोठी सार्वजनिक क्षेत्रातील बँक, भारतीय स्टेट बँक एक आनंदाची बातमी घेऊन आली आहे. सध्या एसबीआय आपल्या मुदत ठेव ग्राहकांना ३.०५% पासून ते ७.१५% पर्यंत आकर्षक व्याजदर देत आहे. विशेष म्हणजे, बँकेच्या एका ठराविक योजनेत २ लाख रुपये गुंतवून नागरिक तब्बल १,०५,९८३ रुपयांपर्यंतचे व्याज कमावू शकतात.
अमृत वृष्टी’ विशेष एफडी: सर्वाधिक परताव्याची हमी
एसबीआयने ४४४ दिवसांच्या ‘अमृत वृष्टी’ या विशेष एफडी योजनेवर व्याजाचा पाऊस पाडला आहे. या योजनेत गुंतवणूक केल्यास
सामान्य नागरिक : ७.२५% व्याज (माहितीनुसार अमृत वृष्टीवर उच्च दराची तरतूद आहे).
ज्येष नागरिक : ७.७५% व्याज.
अति ज्येष्ठ नागरिक : ७.८५% व्याज दिले जात आहे.
या व्यतिरिक्त, ५ ते १० वर्षांच्या दीर्घकालीन एफडीवर देखील बँक सामान्य नागरिकांना ६.०५%, ज्येष्ठ नागरिकांना ७.०५% आणि अति ज्येष्ठ नागरिकांना ७.१५% व्याज देत आहे.
२ लाखांच्या गुंतवणुकीवर किती मिळणार परतावा? (६ वर्षांचा कालावधी)
जर तुम्ही एसबीआयमध्ये ६ वर्षांसाठी २ लाख रुपयांची एफडी केली, तर व्याजाचे गणित खालीलप्रमाणे असेल.
एसबीआयमध्ये तुम्ही किमान ७ दिवसांपासून ते कमाल १० वर्षांपर्यंत एफडी खाते उघडू शकता. शेअर बाजारातील अस्थिरतेच्या काळात, बँकेची एफडी हा एक सुरक्षित पर्याय मानला जातो, कारण येथे मुदतीनंतर तुम्हाला निश्चित व्याजदरासह पूर्ण मुद्दल परत मिळण्याची हमी असते.
गुंतवणूक कशी करावी?इच्छुक ग्राहक जवळच्या एसबीआय शाखेत जाऊन किंवा ‘YONO SBI’ ॲपच्या माध्यमातून घरबसल्या आपली एफडी सुरू करू शकतात. दीर्घकालीन बचतीचे नियोजन करणाऱ्या कुटुंबांसाठी आणि पेन्शनधारकांसाठी ही योजना अत्यंत फायदेशीर ठरणार आहे.