Muslim diwali celebration video: देशभरात दिवाळीचा सण उत्साहाने साजरा केला जातो; पण यंदा सोशल मीडियावरील एक हृदयस्पर्शी व्हिडीओ मोठ्या प्रमाणावर चर्चेत आहे. त्या व्हिडीओनुसार एका मुस्लीम कुटुंबानेही आपली दिवाळी सण गुप्तपणे साजरी केली आहे.
त्यांनी साध्या, पण अर्थपूर्ण रीतीने साजऱ्या केलेल्या दिवाळीच्या सणाने लोकांच्या मनावर छाप सोडली. या व्हिडीओमुळे दिवाळी हा फक्त प्रकाशाचाच सण नाही, तर तो एकता आणि प्रेमाचाही सण आहे, हे पुन्हा एकदा लक्षात आले.
व्हिडीओत दिसतेय की, हे कुटुंब आपल्या लहान मुलांच्या इच्छेनुसार दिवाळी साजरी करीत आहे. मुलांचा आवडता सण अनुभवण्यासाठी त्यांनी घराबाहेर एका शांत आणि अलिप्त ठिकाणी फटाके पेटवले. समाजाच्या अपेक्षा किंवा टीकेपासून दूर राहून, त्यांनी आपल्या मुलांसाठी दिवाळीचा आनंद लुटला. या व्हिडीओत फटाके, दीपमालिका आणि मुलांच्या आनंदी चेहऱ्यांची दृश्ये पाहायला मिळतात, ज्यातून एका साध्या कुटुंबाच्या उत्साहाचे आणि प्रेमाचे दर्शन होते.
सोशल मीडियावर हा व्हिडीओ त्वरित व्हायरल झाला आणि हजारो लोकांनी तो पाहिला. तसेच प्रतिक्रिया देत अनेकांनी आपल्या भावना व्यक्त केल्या. एका युजरने लिहिले, “कधी कधी बाळांच्या हट्टीपणातही चांगुलपणा असतो.” दुसऱ्याने लिहिले, “या व्हिडीओने माझे मन जिंकले” काहींनी म्हटले की “त्यांची गोपनीयता जपायला हवी होती.” तर काहींनी म्हटले की, हा व्हिडीओ म्हणजे आशेचे प्रतीक आहे.
पाहा व्हिडिओ
इतर काही प्रतिक्रिया अशा होत्या- “आम्ही सर्व सण खुल्या मनाने साजरे करतो” व “देश प्रथम, धर्म नंतर.” या प्रतिक्रियांतून स्पष्ट होते की, लोकांच्या मनात सणाचा अर्थ, प्रेम आणि एकता यांबद्दल किती संवेदना आहे.
दिवाळी २०२५ या वर्षी २० ऑक्टोबरला साजरी करण्यात आली, तर धनत्रयोदशी १८ ऑक्टोबरला आणि भाऊबीज २३ ऑक्टोबरला असून. संपूर्ण देशभरात घरांमध्ये दिवे लावले गेले, गोड पदार्थ वाटले गेले आणि हृदय आनंदाने भरून आले .
या छोट्या मुस्लीम कुटुंबाने गुप्तपणे साजऱ्या केलेल्या दिवाळी सणाने लोकांना आठवण करून दिली, की प्रकाशाचा सण धर्माच्या मर्यादेत अडकलेला नाही; तो सर्वांच्या आनंदासाठी आहे. या व्हिडीओने लोकांना संदेश दिला की, सण साजरा करण्याचा खरा आनंद प्रेम आणि एकता आहे आणि प्रत्येक छोटासा आनंदही महत्त्वाचा आहे.