7th pay commission update : ड्रेस भत्त्यात सरकारचा मोठा बदल, आता नवीन नियम लागू होणार
१ जुलै नंतर नोकरीत रुजू होणाऱ्यांसाठी नियम बदलले आहेत. नव्याने नियुक्त झालेल्या सरकारी कर्मचाऱ्यांचा भत्ता कसा बदलेल आणि जुन्या कर्मचाऱ्यांना काय दिलासा देण्यात आला आहे ते जाणून घ्या.
केंद्र सरकारने 1 जुलै 2025 पासून लागू होणाऱ्या ड्रेस भत्त्याबाबत मोठा निर्णय घेतला आहे. आता ज्या कर्मचाऱ्यांची नियुक्ती 1 जुलै 2025 किंवा त्यानंतर होईल, त्यांना ड्रेस भत्ता वर्षातून एकदाच संपूर्ण मिळण्याऐवजी महिन्याच्या हिशोबाने (प्रो-राटा पद्धतीने) दिला जाईल. हा निर्णय कार्मिक व प्रशिक्षण विभागाने (DoPT) जारी केलेल्या नव्या आदेशाद्वारे जाहीर केला आहे.
आतापर्यंत कसा मिळत होता ड्रेस भत्ता?
सध्या सर्व पात्र कर्मचाऱ्यांना प्रत्येक वर्षी जुलै महिन्यात एकदाच पूर्ण वर्षासाठीचा ड्रेस भत्ता दिला जातो. म्हणजे जरी एखाद्या कर्मचाऱ्याची नियुक्ती त्या आर्थिक वर्षाच्या शेवटी झाली, तरीही त्याला जुलैमध्ये संपूर्ण भत्ता मिळतो.
नव्या नियमांनुसार काय बदलणार?
1 जुलै 2025 नंतर नोकरीला लागणाऱ्या कर्मचाऱ्यांना मात्र पूर्ण वर्षाचा भत्ता मिळणार नाही. त्यांच्या सेवेमध्ये जेवढे महिने असतील, त्यानुसार ड्रेस भत्ता दिला जाईल.
12वी उत्तीर्ण उमेदवारांची महिला व बालविकास विभाग व्दारे भरती सुरू | Anganwadi Recruitment 2025
उदाहरणार्थ, एखादा कर्मचारी ऑक्टोबर 2025 मध्ये नोकरीला लागला, तर त्याला ऑक्टोबर ते पुढील जून या 9 महिन्यांसाठीच ड्रेस भत्ता मिळेल.
जुन्या कर्मचाऱ्यांवर परिणाम होणार नाही
ज्यांची नियुक्ती 1 जुलै 2025 च्या आधी झाली आहे, त्यांच्यासाठी जुने नियमच लागू राहतील. म्हणजेच त्यांना पूर्वीप्रमाणेच संपूर्ण भत्ता मिळत राहील.
सेवानिवृत्त होणाऱ्या कर्मचाऱ्यांसाठी काय?
डिसेंबरपर्यंत सेवानिवृत्त होणाऱ्यांना अर्ध्या वर्षासाठीचा ड्रेस भत्ता दिला जाईल. तर डिसेंबरनंतर सेवानिवृत्त होणाऱ्यांना पूर्ण वर्षाचा भत्ता मिळेल. मात्र, भविष्यात यामध्ये बदल करण्याचा सरकारचा विचार आहे.
ड्रेस भत्त्याच्या रकमेमध्ये बदल नाही
ड्रेस भत्ता पूर्वीप्रमाणेच 7व्या वेतन आयोगानुसार दिला जाईल. यात कोणतीही वाढ किंवा कपात करण्यात आलेली नाही:
₹5,000 – सर्वसाधारण कर्मचारी
₹10,000 – युनिफॉर्म घालणारे कर्मचारी
₹20,000 – सशस्त्र सेवा, विशेष विभाग